Краткие молитвы на все случаи жизни

Молитва, даже краткая, —  есть дыхание живой души, краткая молитва – это тоже разговор с Богом. Молитва – сила, открывающая врата помощи Отца Небесного рабу Божию. Промыслом Божиим в помощь нам на земле определены святые заступники и покровители в самых разных житейских и духовных нуждах.

В данной статье мы собрали для вас сильные краткие молитвы (утренние и вечерние) на все случаи жизни. Эти молитвы подойдут также и для начинающих.

Содержание статьи:

Краткая утренняя молитва

Вариант 1.

Тебе, Богу и Творцу моему в Троице Святей славимому Отцу и Сыну и Святому Духу, поклоняюся и вручаю душу и тело мое, и молюся: Ты мя благослови, Ты мя помилуй, и от всякаго мирскаго, диавольскаго, и телеснаго зла избави. И даждь в мире без греха прейти день сей, во славу Твою, и во спасение души моея. Аминь.

Вариант 2.

К Тебе, Владыко, Человеколюбие, от сна, востав, прибегаю, и на дела Твоя подвизаюся милосердием Твоим, и молюся Тебе: помози ми на всякое время во всякой вещи, и избави мя от всякия мирския злыя вещи и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю ныне, и присно, и во веки веков. Аминь.

Утренняя молитва о ниспослании благодати на день сей

Господи, благослови ми день сей прейти без греха и во вся дни живота моего не остави мя, да не погибну аз окаянный. (Поклон)

Пресвятая Госпоже Владычице Богородице, не остави мя от заступления Твоего, да в день сей, и во вся дни живота моего, аз окаянный не погибну. (Поклон)

Ангеле Божий, Хранителю мой святый, сохрани мя в день сей без греха и во вся дни живота моего от всякаго злоключения, да за беззакония моя аз окаянный не погибну. (Поклон)

Слава Тебе Христе Боже Мой, что Ты не погубил мя с беззакониями моими, но до сего времени еще Ты терпишь грехам моим. Дай ми, Господи, положить начало доброе, дабы в этот наступивший день ни делом, ни мыслию, не прогневать Тебя, Создателя моего, но чтобы все дела, желания, советы и мысли были во славу Пречистаго Твоего Имени.

Краткая вечерняя молитва

Господи, Боже наш, еже согреших во дни сем словом, делом и помышлением, яко Благ и Человеколюбец, прости ми; мирен сон и безмятежен даруй ми; Ангела Твоего Хранителя поели, покрывающа и соблюдающа мя от всякаго зла; яко Ты еси хранитель душам и телесем нашим, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

Краткая молитва перед входом в храм Божий

Вариант 1

Господи, вниду в дом Твой, поклонюся ко храму святому Твоему, во страсе Твоем.

Вариант 2.

Возвеселихся о рекших мне: в дом Господень пойдем. Аз же множеством милости Твоея, Господи, вниду в дом Твой, поклонюся ко храму святому Твоему в страсе Твоем. Господи, настави мя правдою Твоею, враг моих ради исправи пред Тобою путь мой; да без преткновения прославлю Едино Божество, Отца и Сына и Святаго Духа, ныне и присно и во веки веков. Аминь.

Краткая молитва при начатии всякого дела

Вариант 1

Господи, благослови мне дело сие начати, пошли по  мощь Твою святую, да возмогу его совершити.

Вариант 2

Господи Иисусе Христе, Сыне Единородный Безначального Твоего Отца, Ты рекл еси пречистыми усты Твоими: яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помози ми грешному, сие дело, мною начинаемо, о Тебе самем совершити, во имя Отца и Сына и Святаго Духа. Аминь.

Краткая молитва при унынии

Вариант 1

Господи, Боже мой, изми мя от уст пагубнаго змия, зияющаго пожрети мя и свести во ад жива.

Вариант 2

Боже, Отче Господа нашего Иисуса Христа, Отец щедрот и Бог всякаго утешения, утешающий нас во всякой скорби нашей! Утеши каждаго скорбящаго, опечаленнаго, отчаявающагося, обуреваемаго духом уныния. Ведь каждый человек создан руками Твоими, умудрен премудростию, возвеличен десницей Твоею, прославлен благостию Твоею… Но вот посещены мы ныне Отеческим Твоим наказанием, кратковременными скорбями! – Ты сострадательно наказываешь тех, кого любишь, и милуешь щедро и призираешь на их слезы! Итак, наказав, помилуй и утоли печаль нашу; преложи скорбь на веселие и радостию раствори печаль нашу; удиви на нас милость Твою, дивный в советах Владыко, Непостижимый в судьбах Господи, и благословенный в делах Твоих во веки, аминь.

Молитва при искушении

Господи! Спаси мя, погибаю. Се бо кораблец мой бедствует от искушения волн, и близ потопления есть. Ты, яко Бог милосерд и сострадателен немощем нашим, властию Твоею всесильною запрети волнению бедствий, хотящих погрузити мя и низвести во глубину зол, — и будет тишина, яко ветры и море послушают Тебе. Аминь.

Помилуй мя, Господи, Сыне Божий. Умилосердися, Иисусе, Сыне Божий. Да отверзутся очи мои, да узрю свет Твой и иду по Тебе.

Молитва во время душевных волнений

Сыне Божий, помилуй мя грешнаго! Пресвятая Богородице, помози ми! Не остави мене! Умоли Сына Твоего о мне грешном!

Молитва при забвении о боге

Не остави мене, Господи Боже Мой, ниже отступи от мене: я отвратил духовные очи от Тебя, Ты, Создателю Мой, не отврати лица Твоего от мене, призри на мя и помилуй мя.

Краткая молитва о заблудших

Господи! Просвети заблудших (имена), обрати их в Святую Церковь Твою и спаси их всесильною Твоею благодатию! Нас же в православии, в истинной вере соблюди, яко благословен еси во веки веков.  Аминь.

Краткая молитва о мире в семье

Помилуй мя, Господи, Сыне Божий, Сыне Давидов по плоти, якоже помиловал еси хананею: душа моя зле беснуется гневом, яростию, похотию злою и прочими пагубными страстьми. Господи! Помози мне, вопию Тебе, не на земли ходящему, но одесную Отца на небесех седящему. Ей, Господи! Даждь мне сердце верою и любовию последовати Твоему смирению, благости, кротости и долготерпению, да и в вечном Твоем Царствии сподоблюся причащатися трапезы рабов Твоих, ихже избрал еси. Аминь.

Молитва о благодетелях

Спаси, Господи, и помилуй раб Твоих, милующих и питающих нас (имена). Избави их, Господи, от всякия скорби, гнева и нужды, от всякия болезни душевныя и телесныя, и прости им всякое согрешение вольное и невольное, и нас помилуй, милости Твоея ради, яко Благ и Человеколюбец.

Краткая молитва о прощении худых помыслов

Владыко, Господи, прости ми, что я помыслил противное воле Твоей в ведении или в неведении, ибо Твоя есть милость во веки.

Молитва матери о своих детях

Всеблагий Боже! Соделай меня матерью, веселящеюся о детях своих, да будут они отрадою моею в дни жизни моей и опорою мне в старости моей. Удостой меня, с упованием на Твое милосердие, предстать с ними на Страшном суде Твоем и с недостойным дерзновением сказать: Вот я и дети мои, которых Ты дал мне, Господи! Да совокупно с ними, прославляя неизреченную благость и вечную любовь Твою, превозношу пресвятое имя Твое, Отче, Сыне и Душе Святый, во веки веков. Аминь.

Краткая молитва перед едой / после еды

Перед вкушением пищи

Очи всех на Тя, Господи, уповают, и Ты даеши им пищу во благовремении: отверзаеши Ты щедрую руку Твою и исполняеши всякое животно благоволения. Аминь.ъ\

После вкушения пищи

Благодарим Тя, Христе Боже наш, яко насытил еси нас земных Твоих благ; не лиши нас и Небеснаго Твоего Царствия. Но яко посреде учеников Твоих пришел еси, Спасе, мир даяй им, прииди к нам и спаси нас. Аминь.

Краткая молитва в болезни

Господи, видишь ли ты мою болезнь, Ты знаешь, как я грешен и немощен: помоги мне терпеть и благодарить Твою Благость. Господи, сотвори, чтобы болезнь эта была в очищение многих моих грехов. Владыко Господи, я в руках Твоих, помилуй меня по воле Твоей, и если мне полезно, исцели меня вскоре. Достойное по делам моим приемлю; помяни мя, Господи, во царствии Твоем! Слава Богу за все!

Краткая молитва от пьянства

Спаси, Господи и помилуй рабов Твоих (имярек) словесами Божественнаго Евангелия Твоего, читаемы о спасении рабов твоих сих (имярек). Попали, Господи, терние всех согрешений их, вольных и невольных, и да вселится в них благодать Твоя, просвещающая, опаляющая всего человека. Во имя Отца и Сына и Святаго Духа. Аминь.

Краткая молитва о заключенном

Господи Иисусе Христе Боже наш, святаго апостола Твоего Петра от уз и темницы без всякаго вреда свободивый, приими, смиренно молим Ти ся, жертву сию милостивно во оставление грехов рабов Твоих (раба Твоего; рабы Твоея) (имя рек) в темни цу всажденных (всажденнаго), и молитвами их (его), яко человеколюбец всесильною Твоею десницею от всякаго злаго обстояния избави и на свободу изведи. Аминь.

2 комментария

Написать ответ

Ваш адрес email не будет опубликован. Обязательные поля помечены *