Молитвы святому Пантелеймону Целителю о здравии и исцелении.

В данной статье вы найдете самые сильные молитвы святому Пантелеймону Целителю о здравии и исцелении. Все молитвы об исцелении — здесь.

святой целитель пантелеймонСодержание статьи:

Краткая история жизни Святого Пантелеймона Целителя

Молитва об исцелении Пантелеймону, читаемая от лица больного

О великий угодниче Христов, страстотерпче и врачу многомилостивый, Пантелеймоне! Умилосердися надо мною, грешным рабом, услыши стенание и вопль мой, умилостиви небеснаго, верховнаго врача душ и телес наших, Христа Бога нашего, да дарует ми исцеление от недуга, мя гнетущаго, приими недостойное моление грешнейшаго паче всех человек, посети мя благодатным посещением, не возгнушайся греховных язв моих, помажи тыя елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь!

Молитва об исцелении Пантелеймону и святым врачам

О великие Христовы угодницы и чудотворцы Пантелеймоне, Космо и Дамиане, Кире и Иоанне, Ермолае, Диомиде, Фотие и Аникито! Услышите нас, вам молящихся (имена). Вы весте наши скорби и недуги, слышите воздыхания множества к вам притекающих. Сего ради к вам, яко скорым помощникам и теплым молитвенникам нашим, зовем: не оставляйте нас вашим у Бога ходатайством. Мы присно заблуждаем от пути спасения, руководите нас, милостивые наставницы. Мы немощны есмы в вере, утвердите нас, правоверия учители. Мы зело убози сотворихомся добрых дел, обогатите нас, благосердия сокровища. Мы присно наветуеми есмы от враг видимых и невидимых и озлобляеми, помогите нам, безпомощных заступницы. Гнев праведный, движимый на ны за беззакония наша, отвратите от нас вашим ходатайством у престола Судии Бога, Емуже вы предстоите на небеси, святые праведницы. Услышите, молим вас, велиции Христовы угодницы, вас с верою призывающия, и испросите молитвами вашими у Отца Небеснаго всем нам прощение грехов наших и от бед избавление. Вы бо помощницы, заступницы и молитвенницы, и о вас славу возсылаем Отцу и Сыну и Святому Духу, ныне и присно, и во веки веков.

Молитва Святому Великомученику и целителю Пантелеймону при всех болезнях душевных и телесных

О великий Христов угодниче и преславный целебниче, великомучениче Пантелеймоне, душею на небеси престолу Божию предстояй и триипостасныя Его славы наслаждаяйся, телом же и ликом святым на земли в божест­венных храмах почиваяй и данною ти свыше благодатию различная источаяй чудеса! При­зри милостивым твоим оком на предстоящия люди и честней твоей иконе умильно моля- щияся и просящия от тебе целебныя помо­щи и заступления, простри ко Господу Богу нашему теплыя молитвы и испроси душам нашим оставление согрешений. Се бо мы, за беззакония наша не смеющие возвести очес наших в высоте небесней, ниже вознести глас молебный к Его в Божестве неприступней славе, сердцем сокрушенным и духом сми­ренным тебе ходатая милостива ко Владыце и молитвенника за ны грешныя призываем, яко ты приял еси благодать от Него недуги отгоняти и страсти исцеляти. Тебе убо про­сим: не презри нас недостойных, молящихся тебе и твоей помощи требующих; буди нам в печалех утешитель, в недузех лютых страж­дущим врач, напаствуемым скорый покрови­тель, очесы недугующим прозрения податель, ссущим и младенцем в болезнех готовейший предстатель и исцелитель; исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих источника и дарователя Бога, единаго в Троице Святей славимаго, Отца и Сына и Святаго Духа, ныне и присно и во веки веков. Аминь.

Молитва Святому Пантелеймону о выздоровлении от болезни

О святый великомученице и целителю Пантелеймоне, Бога милостиваго подражателю! Призри благосердием и услыши нас грешных, пред святою твоею иконою усердие молящихся, испроси нам, рабам Божиим (имена), у Господа Бога, Емуже со ангелы предстоиши на небеси, оставление грехов и прегрешений наших, исцели болезни душевныя и телесный рабов Божиих ныне поминаемых, зде предстоящих и всех христиан православных, ко твоему заступлению притекающих; се бо, грех наших ради, люте одержими есмы многими недуги и не имамы помощи и утешения, к тебе прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков. Аминь!

Молитва Пантелеймону об исцелении преосвященного Иеремии Отшельника

Святый великомученице и целебниче Пантелеймоне! Моли Бога о нас и не допусти долее оставаться в нас болезням, коими болим душею и телом! Исцели те язвы и струпы, кои причинены нам страстями нашими.

Болим мы леностию и расслаблением — исцели ны. Болим влечением и пристрастием к земным предметам — исцели ны. Болим, о святый Пантелеймоне! Болим забывчивостию: о деле спасения, о наших грехах и немощах, о наших обязанностях — исцели ны. Болим злопомнением, гневливостию, ненавистничеством — исцели, о целебниче Свято-Афонский и всемирный. Болим завистию, гордостию, надменностию, превозношением, при всей скудости и непотребстве — исцели ны. Болим многими и разными припадками плотоугодия: чревоизлишеством, невоздер- жанностию, многоядением, сластолюбием — исцели ны. Болим сонливостию, многословием, празднословием, осудливостью — исцели ны, о святый Пантелеймоне! Болят наши очи греховными воззрениями, болят наши уши слушанием пустословия, злоречия, наветов — исцели ны. Болят руки нерасположением к молитвенному воздеянию и к подаянию милостыни — исцели ны. Болят наши ноги нежеланием поспешно идти в храм Господень и стремлением к хождениям по стогнам и к посещениям домов мирских — исцели ны. Болит, зело болит язык наш, уста наши: пустословием, празднословием, злоречием, отвращаясь от молитвословий и славословий, или произнося их небрежно, рассеянно, без внимания, без понятия — исцели ны, о милостиве! От главы до ног болим мы: болит в нас разум непонятливостию, неразумностию и безумием; болит в нас воля, отвращаясь от святых занятий и стремясь к делам вредным и богопротивным; болит в нас память, забывшая наши прегрешения и содержа в себе неутратно согрешения и оскорбления ближних наших; болит в нас воображение, не умея и не желая живо представить нам нашу смерть, вечную муку грешных, блага Царствия Небесного, Божий гнев, крестные страдания Христовы, Его распятие — исцели ны, о святый Пантелеймоне!

Все в нас болит. Немощствует и душа наша вся со всеми ее силами и способностями. Немощствует и тело наше все со всеми его членами. Исцели ны, о святый Пантелеймоне, целебниче безмездный и любвеобильный врачеватель, слуга Пресвятыя Богородицы, и не оставь наше окаянство в толицех недугах и в толицей немощи: да исцелясь твоею благодатию, прославлю Пресвятую Троицу, Отца и Сына и Святаго Духа и Пресвятую Богородицу, тебе на служение болящим посылающую, и возблагодарю твою, о святый Пантелеймоне, цельбоносную святыню во веки. Аминь.

Благодарственная молитва святому великомученику и целителю Пантелеймону, читаемая по исцелении от болезни

Святый великомученице, целителю и чудотворце Пантелеймоне, всеизрядный угодниче Божий и молитвенниче присный христиан православных! Достойно наречен еси Пантелеймоном, еже есть всемилостивый, — яко, прияв от Бога благодать молитися за ны и болезни целити, ты богатно подаеши всем, к тебе притекающим, различный исцеления и вся к жизни временней и к спасению потреб¬ная; сего ради и мы, недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердие благодарим тя и подателя всех благ Господа

Бога нашего о великих благодеяниях, от Него тобою нам бывших.

Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоей помощи и молитвеннаго ходатайства у Господа Бога нашего, Ему же подобает всякая слава, благодарение и поклонение, Отцу и Сыну и Святому Духу, ныне и присно и во веки веков. Аминь.

Краткая история жизни Святого Пантелеймона Целителя

Святой Великомученик Пантелеиймон жил в 4 в. и был известен как целитель. Родился Пантелеймон в знатной семье. Его отец был язычником а мать – христианкой. Мать воспитывала ребенка в Христианской вере.

Врачебное искусство Пантелеймон изучал у знаменитого врача того времени – Евфросина. Очень быстро весть о молодом талантливом враче достигла императора Максимилиана, который пожелал, чтобы Пантелеймон служил врачом при императорском дворе.

Однако, глубоко веровавший в Господа, Пантелеймон принял крещение и стал безмездным врачом. Он помогал больным бесплатно, чем вызывал недовольство многих врачей, которые лишились дохода.

На Пантелеймона поступил донос императору о том, что он лечит больных именем Христа и молитвой.  Максимилиан попросил у врачевателя опровергнуть сей факт. Пантелеймон же предложил императору Максимилиану найти смертельно больного человека и устроить испытание между ним и языческими лекарями. Кто исцелит больного: он или языческие жрецы — вера того и должна быть истинною. Языческие лекари не смогли исцелить больного, а Пантелеймон смог.

пантелеймон исцеляет больного

Данный факт не понравился императору, и он приказал бросить Пантелеймона в море с камнем на шее. Пантелеймону удалость спастись, но его подвергли новым мучениям, после чего император приказал отрубить Пантелеймону голову. Пантелеймон стал молиться и во время его молитвы меч не мог причинить врачевателю вреда. Вскоре с небес раздался голос, который призвал Пантелеймона к себе. Когда Пантелеймону отрубили голову, вместо крови полилось молоко, а маслина рядом покрылась плодами.