Молитва о помощи в трудных родах

В данной статье вы найдете три самые сильные молитвы о помощи в трудных родах.

Содержание статьи:

Молитва Пресвятой Богородице о помощи в трудных родах

Молитва о помощи в трудных родах читается перед чудотворной иконой «Феодоровская».

Феодоровская икона Божией матери
Феодоровская икона Божией матери

Пресвятая Владычице Богородице и Приснодево Марие, единая надеждо нам грешным, к Тебе прибегаем и Тебе молим, яко велие имаши дерзновение пред рождшимся от Тебе по плоти Господом Богом и Спасителем нашим Иисусом Христом. Не презри слез наших, не отрини скорби нашея, не посрами упования нашего на Тя, но Матерними молениями Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему единому во вся дни живота нашего.

О Пресвятая Владычице Богородице, путе-шествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, на-шествия иноплеменных, междоусобныя брани, и отврати всякий гнев, на ны праведно движимый. Даруй нам время на покаяние и обращение, избави нас от внезапный смерти, и во время исхода нашего предстани нам явльшися, Дево Богородице, и избави нас от воздушных мытарств, князей века сего, сподоби на Страшнем Судищи Христовом стати одесную и соделай нас сонаследники вечных благ, да славим во веки великолепое имя Сына Твоего и Бога нашего со Безначальным Его Отцем и Святым, Благим и Животворящим Его Духом, ныне и присно, и во веки веков. Аминь

Молитва Святой великомученице Екатерине при трудных родах

О, святая Екатерино, дево и мученице, истинная Христова невесто! Молим тя, яко нарочитую благодать, еюже предвари тя Жених твой, Сладчайший Иисус, приимшую: якоже посрамивши прельщения мучителя мудростию твоею, пятьдесят ветий победила еси, и напоивши их Небесным учением, к свету истинныя веры наставила еси, тако испроси и нам оную Божию мудрость, да и мы, вся козни адскаго мучителя расторгше, мира же и плоти соблазны презревше, достойни явимся Божественныя славы, и к расширению святыя нашея православный веры сосуди достойни соделаемся, и с тобою в Небесней скинии Господа и Владыку нашего Иисуса Христа, со Отцем и Святым Духом, восхвалим и прославим во вся веки веков. Аминь.

Молитва Богородице о благополучном разрешении родов

Данная молитва читается перед Албазинской Иконой Богородицы «Слово плоть бысть» («Знамение»).

Албазинская икона Божией матери "слово плоть бысть"

Текст молитвы:

Богородице Дево, Пренепорочная Мати Христа Бога нашего, Заступнице рода христианскаго! Пред чудотворною иконою Твоею предстояще, отцы наши молйша Тя, да явйши покров Твой и заступление стране приамурстей. Темже и мы ныне молим Тя: град наш и страну сию от нахождения иноплеменных соблюдай и от междоусобныя брани сохрани. Даруй мирови мир, земли плодов изобилие; христолюбивым и благоверным властём нашим здравие и на враги одоление: сохрани во святыни пастырей наших, во святых храмех труждающихся: осени вседержавным покровом Твоим строителей и благотворйтелей их. Утверди в правоверии и единомыслии братий наших: заблуждших же и отступльших от православный веры вразуми и соедини Святей Церкви Сына Твоего. Буди всем притекающым к чудотворней иконе Твоей покров, утешение и пристанище от всяких зол, бед и обстояний: Ты бо еси больных исцеление, скорбящих утешение, заблуждших исправление и вразумление. Приимй моления наша и вознеси я ко Престолу Всевышняго, яко да Твоим предстательством соблюдаеми и покровом Твоим осеняеми, прославим Отца и Сына и Святаго Духа, ныне и присно и во веки веков. Аминь.

Молитва перед иконой Божией Матери «Млекопитательница»

Перед иконой Божией Матери «Млекопитательница» молятся кормящие матери и при родах.

Млекопитательница икона Божией матери
«Млекопитательница» — икона Божией матери

Тропарь, глас 3:

Молитва, покров благодатный и спасительный стяжахом честную Твою икону, Богородице. На сию убо со умилением взирающе, Тебе вопиём: Владычице низпосли отраду и утешение; на Тя упование возлагаем грёшнии и смиреннии, на Твоё предстательство надеемся недостойнии, ускори нас избавити от бед и скорбей, и умоли Сына Твоего, Христе Бога нашего, помиловати и спасти души наша.

Молитва

Надежда всем концем земли, Пречистая Дево Богородице, Утешёние и Отрадо наша! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердци наша. Очисти ум наш от греховных помышлёний. Приимй молёния от души и сёрдца с воздыханием Тебе приносимыя. Буди Ходатаица о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирёния, терпёния и любви. Душевныя и телесныя язвы исцели, утиши бурю злых нападёний вражеских. Отыми брёмя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребывай с нами, подавая при­ходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.

Написать ответ

Ваш e-mail не будет опубликован. Обязательные поля помечены *